ផ្នែកថែទាំ
ផ្នែកថែទំាអគារ ដើរតួយ៉ាងសំខាន់ក្នុងការចូលរួមចំណែកអភិវឌ្ឍន៍ក្រុមហ៊ុន ម៉េងលី ជេ. គួច អេឌ្យូខេ សិន។ សព្វថ្ងៃនេះ ផ្នែកថែទំាអគារ មានតួនាទីគ្រប់គ្រង និងថែទាំរាល់កិច្ចការងារដែលរួមមាន ការងារទូទៅក្នុងអគារ ដូចជា ការរចនា ការតុបតែងលម្អ ការជួលជុល ការពិនិត្យគ្រឿងម៉ាស៊ីន អេឡិចត្រូនិច និងទុយោទឹក ព្រមទាំងសម្ភារដ៏ទៃទៀតដែលមានតាមអគារ ពោលគឺដើម្បីឱ្យអគាររបស់យើងមានភាពស្រស់ស្អាតសម្រាប់បម្រើដល់អ្នកអាណាព្យាបាលសិស្ស ឬដល់សិស្សានុសិស្សផ្ទាល់ប្រកបដោយគុណភាព ផាសុកភាព និងសុវត្ថិភាព។
ជាងនេះទៀត ផ្នែកថែទំាអគារ បម្រើជូននូវសេវាកម្មប្រកបដោយវិជ្ជាជីវ: និងជំនាញច្បាស់លាស់ ដើម្បីជួយឱ្យក្រុមហ៊ុនសម្រេចបេសកកម្ម ចក្ខុវិស័យ និងនិរន្តភាពរបស់ខ្លួន។ ដើម្បីធានាបាននូវសុវត្ថិភាព និងការប្រតិបត្តិការការងារដោយរលូន រាល់អគារទាំងអស់ត្រូវមានបុគ្គលិកផ្នែកថែទំាអគារម្នាក់ ដើម្បីប្រចាំការ និងដោះស្រាយបញ្ហាណាមួយដែលកើតឡើង។ ក្នុងករណីដែលមានបញ្ហា ពួកគាត់នឹងអាចដោះស្រាយបានទាន់ពេល និងមានប្រសិទ្ធភាព ដោយមានការសហការគ្នាជាក្រុមបានយ៉ាងល្អប្រសើរ។
ភារកិច្ចចម្បង និងទំនួលខុសត្រូវការងារ៖
ការទទួលខុសត្រូវចម្បងរបស់ផ្នែកថែទំាអគារ និងសាខាគឺការថែរក្សា និងតំឡើងទាំងឧបករណ៍ដែលមានស្រាប់និងថ្មីក៏ដូចជាសម្ភារផ្សេងទៀត ដែលផ្នែកផ្សេងៗបានស្នើសុំ។ សេវាកម្មរួមមាន៖
ម៉ាស៊ីនត្រជាក់៖ ថែទាំ ដំឡើង និងសម្អាត។
ប្រព័ន្ធទឹក៖ ថែរក្សា និងដំឡើងបរិក្ខារបន្ទប់ទឹក ប្រព័ន្ធលូទឹក ធុងទឹក ម៉ាស៊ីនម៉ូទ័រ។ ល។
ម៉ាស៊ីនភ្លើង៖ ថែរក្សា និងធ្វើបញ្ជីត្រួតពិនិត្យប្រចាំសប្តាហ៍។
ប្រព័ន្ធអគ្គិសនី៖ ថែរក្សា និងជួសជុលឧបករណ៍អគ្គិសនី ឌីសង់ទ័រ និងដំឡើងប្រព័ន្ធថ្មី។
ជណ្ដើរយន្ដ៖ សហការជាមួយក្រុមហ៊ុនខាងក្រៅ ដើម្បីថែរក្សា និងសេវាជួសជុលប្រចាំខែ។
បរិយាកាសការងារ
ក្នុងនាមជាអ្នកមើលថែទាំអគារនៃក្រុមហ៊ុន ម៉េងលី ជេ. គួច អេឌ្យូខេសិន គឺត្រូវមានកាយសម្បទារឹងមាំ ដើម្បីបំពេញការងារដែលមានដូចជា ការលីសែង ការយួរ កាន់របស់ធ្ងន់ ការឱនឡើងចុះ និងការលូន ឬលត់ជង្គង់ជាដើម។ ជាទូទៅ ការងាររបស់យើងគឺអង្គុយ ៣៣% ដើរ ៣៣% និងឈរ ៣៤%។ ហេតុដូចនេះ បុគ្គលិកនឹងត្រូវប្រឈមនឹងហានីភ័យនៃការរងរបួស និងមានជម្ងឺ ដោយសារលក្ខខណ្ឌនៃការងាររបស់យើង។
ត្រូវចាំថា ការងារប្រភេទនេះ ទាមទារឱ្យមានការយកចិត្តទុកដាក់ខ្ពស់បំផុត និងត្រូវចាត់ទុក “សុវត្ថិភាព ជាចម្បង”។
ផ្នែកគេហកិច្ច
ផ្នែកគេហកិច្ចបានចូលរួមចំណែកយ៉ាងសកម្មក្នុងការអភិវឌ្ឍរបស់ម៉េងលី ជេ. គួច អេឌ្យូខេសិន។ បច្ចុប្បន្នផ្នែកនេះកំពុងដើរតួនាទីយ៉ាងសំខាន់ក្នុងការថែរក្សាសម្ភារសាលា និងបរិក្ខារសិក្សាផ្សេងៗដើម្បីនាំមកនូវគុណភាព និងស្តង់ដារល្អបំផុតដែលប្រកបទៅដោយអនាម័យ ភាពស្រស់ស្អាត សុវត្ថិភាព និងសោភ័ណភាពនៅក្នុងក្រុមហ៊ុន។ យើងជឿជាក់យ៉ាងមុតមាំថាក្រុមការងាររបស់យើងនឹងផ្តល់នូវបរិយាកាសការងារល្អ និងការរៀនសូត្រប្រកបដោយអនាម័យផាសុកភាព សម្រាប់ការសម្រាករបស់លោកគ្រូ អ្នកគ្រូ បុគ្គលិក និងសិស្សានុសិស្សរបស់យើង។
លើសពីនេះ ទៀតផ្នែកគេហកិច្ចក៏មានក្រុមការងារដើម្បីដាំផ្កា និងរុក្ខជាតិគ្រប់ប្រភេទដើម្បីតុបតែងអគារសាលារៀន កន្លែងទទួលភ្ញៀវ សួនកុមារ សាលប្រជុំ យ៉រ និងការិយាល័យរបស់ ម៉េងលី ជេ. គួច អេឌ្យូខេសិន។ ក្រុមរបស់យើងក៏ធ្វើការបាញ់ថ្នាំមូស និងសត្វល្អិតគ្រប់ប្រភេទរាល់ពេលចុងសប្តាហ៍ដើម្បីការពារជំងឺផ្សេងៗ។ យើងក៏ផ្តល់សេវាកម្មសំអាត តាមតម្រូវការផងដែរ។
សមាជិកការងាររបស់យើងមានសុខភាពល្អ មាំមួនព្រោះយើងត្រូវការលើករបស់ធ្ងន់ៗ ឬគ្រឿងសង្ហារិមសម្រាប់សំអាត ឬជួសជុល។ សមាជិករបស់យើងមានការបំពេញការងារយ៉ាងមម៉ាញឹក។
ភារកិច្ច និងទំនួលខុសត្រូវចម្បងរបស់យើង៖
- ផ្តល់សេវាកម្មសំអាតលម្អិត។
- កម្ចាត់សត្វល្អិតគ្រប់ប្រភេទ។
- កម្ចាត់មូសគ្រប់អគារ និងសាខាប្រចាំសប្តាហ៍។
- ដាំផ្កា និងរុក្ខជាតិគ្រប់ប្រភេទ។
- ត្រួតពិនិត្យ និងត្រូវធានាថា រាល់ថ្នាក់រៀន សាលប្រជុំ និងការិយាល័យ ត្រូវតែស្អាត និងមានក្លិនក្រអូប។
- ទទួលខុសត្រូវចំពោះការសំអាតកញ្ចក់ទូទៅ។
- ពិនិត្យមើលរុក្ខជាតិដោយប្រុងប្រយ័ត្នមុនពេលទិញ។
- កាត់មែកឈើដែលងាប់ ចេញឱ្យទាន់ពេលវេលា។
- ថែសួនឱ្យបានល្អ និងស្រស់ស្អាត។
- ថែរក្សាគ្រឿងសង្ហារិម និងគ្រឿងឈើគ្រប់ប្រភេទ។
- បាញ់ថ្នាំសម្លាប់មេរោគគ្រប់ប្រភេទ។
ផ្នែកថែទាំ 
ផ្នែកគេហកិច្ច