Mengly J. Quach Education

សេវាកម្មដឹកជញ្ជូន អន្តរទ្វីប

សេវាកម្មដឹកជញ្ជូន អន្តរទ្វីប (Intercon Transportation Services) ត្រូវបានបង្កើតឡើងតាំងពីឆ្នាំ ២០០៥។ ការិយាល័យកណ្ដាលរបស់យើងគឺ នៅសាខាម៉ៅសេទុង។ យើងជឿជាក់ថាសេវាកម្មរថយន្តសាលានឹងធានាបាននូវការដឹកជញ្ជូនមួយប្រកបដោយគុណភាព ទំនុកចិត្ត សុវត្ថិភាព ផាសុកភាព, តម្លៃសមរម្យ និងការមករៀនទៀងទាត់ពេលវេលាដែលជួយសម្រួលបន្ទុកការងារសម្រាប់លោកឪពុកអ្នកម្តាយដែលត្រូវជូនកូនៗមក សាលាដោយខ្លួនឯង។

យើងក៏មានផ្ដល់សេវាកម្មជួសជុលរថយន្តនៅយានដ្ឋាន អាឡិច គួច ដែលមានទីតាំងស្ថិតនៅ សាខាម៉ៅសេទុងនៃឃ្លាំង MJQE ភូមិចំរើនផល។ យានដ្ឋានរបស់យើងមានជាងដែលមានជំនាញច្បាស់លាស់ ដើម្បីផ្ដល់ជូននូវការថែទាំជាប្រចាំដល់លោកអ្នក។ សេវាកម្មទាំងនោះរួមមាន ជួសជុលរថយន្ត បាញ់ថ្នាំរថយន្ត ត្រួតពិនិត្យគ្រឿងក្រោម ប្តូរប្រេងម៉ាស៊ីន រួមទាំងសេវាកម្មកាត់ស្ទីកគ័រ បិទស្ទីកគ័រ ឌេគ័រតាមការិយាល័យ ថ្នាក់រៀន និងតាមអគារ។

ទស្សនវិស័យរបស់យើង គឺដើម្បីផ្ដល់ជូននូវសេវាដឹកជញ្ជូនប្រកបដោយសុវត្ថិភាពខ្ពស់ជូនដល់ សិស្សានុសិស្សនៃមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង។ សុវត្ថិភាពធ្វើដំណើររបស់សិស្សានុសិស្ស គឺជាការយកចិត្តទុកដាក់ដ៍សំខាន់បំផុតរបស់យើង។ ជាមួយគ្នានេះដែរ យើងជឿជាក់ថា សេវាកម្មរថយន្តសាលារបស់យើងនឹងបង្កភាពងាយស្រួសដល់សិស្សានុសិស្ស និងអ្នកអាណាព្យាបាលសិស្សជាមួយការចំណេញពេលវេលា និងសន្សំសំចៃថវិកា។ រថយន្តសាលារបស់យើងជាប្រភេទរថយន្តទំនើប មានម៉ាស៊ីនត្រជាក់ មានបំពាក់ភ្លើងសញ្ញា និងស្លាកសញ្ញាត្រឹមត្រូវ តាមស្ដង់ដា បច្ចេកទេស និងជារថយន្តពណ៌លឿងដែលមានភាពងាយស្រួលចំណាំ និងពណ៌ស្ដង់ដារបស់រថយន្តសាលា។

បេសកកម្មរបស់យើងគឺសុវត្ថិភាពកូនៗអស់លោកអ្នក, សេវាកម្មរថយន្តសាលា រថយន្តទំនើប ផាសុកភាព និង មានទំនួលខុសត្រូវខ្ពស់។ យើងបានជ្រើសរើសអ្នកបើកបរដែលមានជំនាញវិជ្ជាជីវៈ មានប័ណ្ណបើកបររថយន្តត្រឹមត្រូវតាមប្រភេទយានយន្ត និងបណ្តុះបណ្តាលជាប្រចាំ។ រថយន្តសាលា បំពាក់ដោយសេវាធានារ៉ាប់រង ការគ្រប់គ្រងលើប្រព័ន្ធ GPS ដែលមានបំពាក់ក្នុងរថយន្ត មានការបំពាក់កាំមេរ៉ាសវុត្ថិភាពក្នុងរថយន្ត មានបំពង់ពន្លត់អគ្គិភ័យ និងមានសេវាកម្មត្រួតពិនិត្យថែទាំតាមស្តង់ដាបចេ្ចកទេសយ៉ាងត្រឹមត្រូវ។ យើងខិតខំអស់ពីសមត្ថភាព ដើម្បីបែងចែងការគ្រប់គ្រងតំបន់នីមួយៗប្រកបដោយប្រសិទ្ធភាព និងចំណេញពេលវេលា។ យើងក៏មានផ្ដល់ជូននូវយានដ្ឋានជួសជុល និងកន្លែងលាងរថយន្តផ្ទាល់ខ្លួន ដើម្បីធានាឱ្យបាននូវសុខសុវត្ថិភាព និងផាសុកភាពជូនដល់អ្នកដំណើរ និងសិស្សានុសិស្សរបស់យើងគ្រប់ពេលវេលា ជាពិសេសជាងនេះទៅទៀត រថយន្តសាលារបស់យើងបានត្រួតពិនិត្យឆៀកប្រចាំឆ្នាំ ត្រឹមត្រូវតាមគោលការណ៍របស់ក្រសួងសាធារណៈការនិងដឹកជញ្ជូន។

សេវាកម្មយើងរួមមាន៖

សេវាកម្មរថយន្តសាលា (School Bus Services)
យានដ្ឋានជួលជុលរថយន្ត អាឡិច គួច (Alex Quach Auto Shop)
សេវាកម្មជួលរថយន្ត (Bus Rental Services)
កន្លែងលាងរថយន្ត ផល គួច ( Pual Quach Car Wash)