ផ្នែកផលិតកម្មទូទៅ
ផ្នែកផលិតកម្មទូទៅ បានចូលរួមចំណែកយ៉ាងសកម្មក្នុងការអភិវឌ្ឍរបស់ក្រុមហ៊ុន ម៉េងលី ជេ. គួច អេឌ្យូខេសិន។ យើងបានប្រមូលផ្តុំក្រុមបុគ្គលិកដែលមានការប្តេជ្ញាចិត្ត និងជំនាញច្បាស់លាស់ដែលតែងតែផ្តល់សេវាកម្មប្រកបដោយគុណភាពល្អ សោភ័ណភាព សុវត្ថិភាពសម្រាប់ការប្រើប្រាស់ និង ផលិតបានទាន់ពេលវេលាតាមតម្រូវការ។ រហូតមកដល់ពេលនេះផ្នែកផលិតកម្មទូទៅ បាននឹងកំពុងតែអភិវឌ្ឍគ្រឿងសង្ហារិម និងគ្រឿងបរិក្ខារសម្រាប់ផ្គត់ផ្គង់ឱ្យសាលារៀនជាច្រើនតាមការស្នើសុំពីម្ចាស់អគារ និងផ្នែកដែលពាក់ព័ន្ធផ្សេងៗ នៃក្រុមហ៊ុន ម៉េងលី ជេ. គួច អេឌ្យូខេសិន។ ជាមួយនឹងការប្តេជ្ញាចិត្ត និងភាពឧស្សាហ៍ព្យាយាម ផ្នែកផលិតកម្មទូទៅ បានជួយឱ្យក្រុមហ៊ុនកាត់បន្ថយការចំណាយពីការត្រូវទិញទំនិញពីខាងក្រៅ ឬទិញផលិតផលផ្សេងទៀត។ គ្រប់អគារសាខា ទាំងអស់ត្រូវបានតុបតែងដោយតុ រូបថត និងគ្រឿងសង្ហារិមផ្សេងៗទៀតដែលធ្វើឡើងដោយក្រុមការងារផ្នែកផលិតកម្មទូទៅ គឺបានជួយធ្វើឱ្យប្រសើរឡើងនូវសុវត្ថិភាព និងសោភ័ណភាព នៃអគារសិក្សាឱ្យមានសម្រស់កាន់តែទាក់ទាញថែមមួយកម្រិតទៀត។ ផ្នែកផលិតកម្មទូទៅ បានជួយក្នុងការងារជួសជុល និងផលិតគ្រឿងសង្ហារិមគ្រប់ប្រភេទ ដែលមានស្រាប់នៅក្នុងអគារ និងទីតាំងសំខាន់ៗផ្សេងទៀតនៅក្នុងសាលារៀន ដើម្បីធានាបាននូវគុណភាពសម្រាប់ការប្រើប្រាស់។ យើងក៏មានក្រុមជាងដែកដែលមានជំនាញខាងធ្វើ និងជួសជុលគ្រឿងលម្អ ឬវត្ថុប្រើប្រាស់ផ្សេងៗដែលធ្វើពីលោហ:។
នៅក្នុងផ្នែកផលិតកម្មទូទៅ យើងមានជាងឈើដ៏មានជំនាញជាច្រើន ដែលមានចំណេះដឹង និងបច្ចេកទេស។ ពួកគាត់ទទួលខុសត្រូវចំពោះការរៀបចំដំឡើង ជួសជុល និងថែរក្សាគ្រឿងសង្ហារិមផ្សេងៗ។ ភារកិច្ចផ្សេងៗទៀតរួមមានការរចនា កាត់ និងវាស់វែងសម្ភារ យោងទៅតាមតំរូវការរបស់អតិថិជន និងអ្នកស្នើសុំមកពីផ្នែកផ្សេងៗ នៃក្រុមហ៊ុនម៉េងលី ជេ. គួច អេឌ្យូខេសិន។
បុគ្គលិកនៅក្នុងផ្នែកផលិតកម្មទូទៅ មានភាពឧស្សាហ៍ព្យាយាម អាចទុកចិត្តបាន មានទំនាក់ទំនងល្អ និងជំនាញក្នុងការរៀបចំ។ ពួកគេទាំងអស់បានបញ្ចប់ការហ្វឹកហ្វឺនជាជាងជំនាញដែលមានបទពិសោធន៍ផ្នែកជាងឈើ ដែក ការងារបាញ់ថ្នាំលើគ្រឿងសង្ហារិម និងការងារជ័រអាគ្រីលីក។
សេវាកម្មរបស់យើងរូមមាន៖
- ផលិតគ្រឿងសង្ហារិមថ្មីៗ ដូចជា តុ ទូដាក់អីវ៉ាន់ បញ្ជរ ធ្នើរ ផ្លាកសញ្ញា។ល។
- ជួសជុល និងថែរក្សាបរិក្ខារដែលមានស្រាប់ដូចជា តុ ទូដាក់អីវ៉ាន់ បញ្ជរ ធ្នើរ ស្លាកសញ្ញា។ ល។
- ផលិត និងជួសជុល គ្រឿងបរិក្ខារក្នុងអគារដូច ជាជណ្តើរ ទ្វារ ស៊ុមទ្វារ របាំង ធ្នឹម ធ្វើពីឈើ និងដែក។
- ពិនិត្យ និងផ្លាស់ប្តូរ គ្រឿងបរិក្ខារក្នុងអគារ ឬរចនាសម្ព័ន្ធ និងគ្រឿងប្រដាប់ប្រើប្រាស់ផ្សេងៗដែលខូច។
- វាស់ និងកាត់ ឬធ្វើសម្ភារអំពីឈើ និងដែក។
- បាញ់ថ្នាំលើគ្រឿងសង្ហារិមឈើ និងគ្រឿងធ្វើពីលោហៈគ្រប់ប្រភេទ។
- ផ្សារ និងជួសជុលវត្ថុធ្វើពីលោហៈដែលទាក់ទងនឹងថ្នាក់រៀន និងការិយាល័យធ្វើការ។
