ផ្នែករចនា និងសាងសង់
ផ្នែករចនា និងសាងសង់ ដើរតួនាទីដ៏សំខាន់នៅក្នុងក្រុមហ៊ុន ម៉េងលី ជេ. គួច អេឌ្យូខេសិន តាមរយៈការសម្រួលដល់ការសាងសង់ និងកែលម្អឡើងវិញនូវអគារសិក្សា ការិយាល័យ និងអគារផ្សេងៗទៀតដែលបម្រើដល់តម្រូវការនៃការពង្រីកសាខា និងការអភិវឌ្ឍប្រកបដោយនិរន្តន៍ភាពរបស់ក្រុមហ៊ុន។ ផ្នែកនេះមានសុទ្ធសឹងតែក្រុមអ្នកជំនាញដែលមានការរចនាស្របតាមកម្រិតស្ដង់ដារជាតិ និងអន្តរជាតិ។ ពួកគេរចនាគម្រោងអគារ និង MEP (លក្ខណៈបច្ចេកទេសមេកានិក ប្រព័ន្ធភ្លើង និងទឹក) ប្រកបដោយសុវត្ថិភាពខ្ពស់ និងតាមស្ដង់ដារបច្ចេកទេសត្រឹមត្រូវ។ ផ្នែករចនា និងសាងសង់ ក៏មានក្រុមគូរប្លង់ដ៏ប៉ិនប្រសព្វ និងពេញដោយគំនិតច្នៃប្រឌិតដែលការរចនារបស់ពួកគេគឺផ្ដោតចម្បងទៅលើការច្នៃប្រឌិត ថ្មី ភាពទាក់ទាញ សុវត្ថិភាព ដែលមិនប៉ះពាល់បរិស្ថានហើយស្របតាមគោលការណ៍របស់ពួកគេដូចជា ពេលវេលា គុណភាព និងតម្លៃសមរម្យ។ លើសពីនេះទៅទៀត ផ្នែករចនា និងសាងសង់ ក៏ដើរតួនាទីដ៏សំខាន់មួយទៀតក្នុងការសម្របសម្រួលទំនាក់ទំនងរវាងម្ចាស់គម្រោង និងដៃគូសាងសង់តាមរយៈការផ្ដល់ជូននូវព័ត៌មានជាក់លាក់ពីម្ចាស់គម្រោងទៅដល់ដៃគូរបស់ពួកគេ។
ផ្នែករចនា និងសាងសង់ ផ្ដល់ជូននូវសេវាកម្មដូចខាងក្រោម៖
+ ផ្នែកប្លង់
- វិភាគ រចនា និងពង្រីកមុខងារសុវត្ថិភាពទាំងក្នុង និងក្រៅអគារ។
- រៀបចំនូវរបាយការណ៍លម្អិតអំពីសម្ភារ។
- ជ្រើសរើសសម្ភារស្របតាមតម្រូវការរចនា និងសន្សំសំចៃ។
- រៀបចំឯកសារលម្អិតដើម្បីដេញថ្លៃ។
- សហការជាមួយផ្នែកផ្សេងៗដើម្បីកែសម្រួលការរចនា។
- ត្រួតពិនិត្យបរិមាណ និងគុណភាពនៃការសាងសង់។
+ ផ្នែកគម្រោង
- វិភាគ និងគណនាគម្រោងនៃអគារ។
- គ្រប់គ្រងចាត់ចែង និងត្រួតពិនិត្យអគារមុនពេលជួល។
- រៀបចំឯកសារលម្អិតដើម្បីដេញថ្លៃ។
- វាយតម្លៃបញ្ជាក់លើការគណនាការរចនាគម្រោង។
- គ្រប់គ្រងលើបរិមាណ និងគុណភាពសំណង់។
- ដឹកនាំក្រុមការងារសាងសង់ឱ្យដំណើរការស្របតាមគម្រោង និងការណែនាំលម្អិត។
- ធ្វើការជាមួយស្ថាបត្យករដើម្បីជួយដោះស្រាយបញ្ហាដែលកើតមាន។
+ ផ្នែក MEP
- រចនាប្រព័ន្ធបច្ចេកទេសមេកានិក អគ្គិសនី និងទឹកសម្រាប់អគារចាស់ និងថ្មី។
- រៀបចំរបាយការណ៍លម្អិតអំពីសម្ភារ។
- ជ្រើសរើសសម្ភារស្របតាមតម្រូវការប្លង់រចនា និងសន្សំសំចៃ។
- រៀបចំឯកសារលម្អិតសម្រាប់ដេញថ្លៃ។
- គ្រប់គ្រងបរិមាណ និងគុណភាពសម្រាប់កិច្ចការ MEP។
+ ផ្នែកត្រួតពិនិត្យបរិមាណ និងគ្រប់គ្រងគុណភាព
- រៀបចំឯកសារលម្អិតសម្រាប់ដេញថ្លៃ រួមទាំងទំហំការងារផង។
- វាយតម្លៃថ្លៃជួសជុល និងថែទាំ។
- គ្រប់គ្រងហានិភ័យទៅលើតម្លៃ។
- រៀបចំរបាយការណ៍លម្អិតអំពីសម្ភារ។
- ធ្វើការជាមួយផ្នែកផ្សេងៗទៀតដើម្បីកំណត់បញ្ហាប្លង់។
- គ្រប់គ្រងលើបរិមាណ និងគុណភាពសំណង់នៅការដ្ឋាន។
- រៀបចំឯកសារដើម្បីសុំសិទ្ធិសាងសង់។
- រៀបចំកិច្ចសន្យាសាងសង់ជាមួយក្រុមហ៊ុនផ្សេងៗ។
+ ផ្នែកសាងសង់
- គ្រប់គ្រងលើការដ្ឋានឱ្យស្របទៅតាមស្ដង់ដាសុវត្ថិភាពសំណង់។
- គ្រប់គ្រងក្រុមសាងសង់ឱ្យអនុវត្តការងារផ្អែកទៅតាមកាលវិភាគត្រឹមត្រូវ។
- គ្រប់គ្រងលើគម្រោងសម្រាប់គ្រឿងចក្រ ឧបករណ៍ និងកម្លាំងពលកម្មស្របទៅតាមកាលវិភាគ។
- គ្រោង និងរៀបចំរបាយការណ៍ប្រចាំថ្ងៃ ប្រចាំសប្ដាហ៍ និងប្រចាំខែ។
- សម្របសម្រួលក្រុមការងារក្នុងអំឡុងពេលសាងសង់។
- ត្រួតពិនិត្យបរិមាណ និងគុណភាពសំណង់។
- តាមដាន និងរៀបចំការចំណាយឱ្យទៅអ្នកម៉ៅការបន្ត។
