CCTV

ផ្នែកកាំមេរ៉ាសុវត្ថិភាព

ដើម្បីលើកកម្ពស់វិស័យអប់រំប្រកបដោយសុវត្ថិភាព និងរីកចម្រើន ផ្នែកកាមេរ៉ាសុវត្ថិភាពដើរតួនាទីយ៉ាងសំខាន់ សម្រាប់ក្រុមហ៊ុន។ ក្រុមប្រតិបត្តិករ (កាមេរ៉ាសុវត្ថិភាព) មានបទពិសោធន៍ និងជំនាញច្បាស់លាស់ បុគ្គលិកប្រតិបត្តិករមានឯកទេសប្រើប្រាស់បច្ចេកវិទ្យាឃ្លាំមើលដ៏ទំនើបដើម្បីការពារអ្នកពាក់ព័ន្ធទាំងអស់ដូចជា៖ បុគ្គលិក សិស្ស ឪពុកម្តាយ អ្នកទស្សនា និងសហគមន៍ទូលំទូលាយ។

ក្រុមប្រតិបត្តិករ មានជំនាញគ្រប់គ្រងយ៉ាងល្អិតល្អន់នូវបណ្តាញដ៏ទូលំទូលាយនៃកាមេរ៉ាសុវត្ថិភាពប្រមាណជាង 3,100 គ្រាប់ដែលមានទីតាំងជាយុទ្ធសាស្រ្ត ដោយផ្តល់នូវការប្រុងប្រយ័ត្នជានិច្ចក្នុង១ថ្ងៃ 24/7 រួមទាំងថ្ងៃឈប់សម្រាក និងព្រឹត្តិការណ៍ពិសេសៗ ។

ប្រតិបត្តិករកាមេរ៉ាសុវត្ថិភាព ប្រកាន់ខ្ជាប់យ៉ាងម៉ឺងម៉ាត់ចំពោះគោលនយោបាយរបស់ស្ថាប័ន និងក្រុមហ៊ុនតាមរយៈការសង្កេតយ៉ាងយកចិត្តទុកដាក់លើការប្រព្រឹត្តិរបស់បុគ្គលិក។ ផ្នែកកាមេរ៉ាសុវត្ថិភាព បានផ្តល់សេវាកម្មល្អឥតខ្ចោះនៅគ្រប់សាខា ជួយដល់ស្ថាប័នក្នុងការរក្សាបរិយាកាសសុវត្ថិភាព គោរពគ្នា និងគោរពច្បាប់។

ផ្នែកកាំមេរ៉ាសុវត្ថិភាព របស់យើងបានបម្រើសេវាកម្មដល់សាលារៀនបានយ៉ាងល្អគ្រប់សាខា៖

ក្នុង / ក្រៅថ្នាក់រៀន

• ពិនិត្យ​សកម្មភាព​ទូទៅ​ជាពិសេស​ការ​បង្រៀន​របស់​គ្រូ​ និង​សិស្ស​។​
• ពិនិត្យមើលសកម្មភាព​ប្រសិនបើ​កូនសិស្សបង្កការ​ឈ្លោះប្រកែក​គ្នា​ ឬវាយតប់គ្នា​ដោយប្រការណាមួយ ​។
• ពិនិត្យមើលសកម្មភាពនៅពេលដែល​មានឧបករណ៍ ឬរបស់របរផ្សេងៗនៅពេល​បាត់បង់​ឬ ខូចខាត​បណ្តាល​មក​ពី​សិស្ស​។
• ត្រួតពិនិត្យ​ទៅលើ​ឧបករណ៍​អគ្គិសនី ​ដើម្បី​ធានា​ថា​បាន​បិទ​យ៉ាង​ត្រឹមត្រូវ​បន្ទាប់ពី​ប្រើប្រាស់​រួច​។
• ត្រួតពិនិត្យមើលការប្រឡងត្រូវធានា​ថា ​មិន​មានការ​លួច​ចម្លង​គ្នាក្នុង​ពេល​ប្រឡង​។
• ត្រួតពិនិត្យមើលសកម្មភាពដែលធានាថា ​គ្មាន​ការធ្វើបាប​អ្នកដទៃ​គ្រប់រូប​ភាព​ (Bullies)។
• ត្រួតពិនិត្យមើលសកម្មភាព​ប្រាកដ​ថា​ មិន​មានការ​គំរាមកំហែង​ អំ​ពើ​ហឹង្សា​ ឬការប្រើ​ប្រាស់​គ្រឿងញៀន​។
• ត្រួតពិនិត្យមើលសកម្មភាពដែលធានាថា មិនបង្កការកៀកកើយស្និទ្ធស្នាលគ្នា និងបៀតបៀនគ្នា។
• ត្រួតពិនិត្យមើលសកម្មភាព​ដែលប្រាកដ​ថា​​ មិនមានការលក់ដូរគឿងអេឡិចត្រូនិចខុសច្បាប់ នៅក្នុងសាលាជាដាច់ខាត។

ច្រកចូលក្នុងអគារ

• ត្រួតពិនិត្យ​មើលប្រសិនបើ​មាន​ជន​ប្លែក​មុខ​គួរឱ្យសង្ស័យចេញចូលក្នុងអគារ​ ត្រូវផ្តល់សញ្ញាភ្លាមទៅផ្នែកសុវត្ថិភាពសាលា និងសាធារណៈ ដែលនៅកៀកដើម្បីតាមដានមើលសកម្មភាពបន្ត។
• ត្រួតពិនិត្យ​មើលសកម្មភាពពេលភ្ញៀវចេញចូល ត្រូវឱ្យកាតសម្គាល់របស់ក្រុមហ៊ុន និងមិនអនុញ្ញាតពាក់មួកចូលក្នុងសាលា។
• ត្រួតពិនិត្យមើលសកម្មភាពពេលមានបុគ្គលិក សិស្ស ចេញចូល ត្រូវមានកាតសម្គាល់ខ្លួន។
• ត្រួតពិនិត្យមើលអាជ្ញាធរ និងសមត្ថកិច្ច មិនអនុញ្ញាតឱ្យមានអាវុធជាតិផ្ទុះចូលក្នុងសាលាជាដាច់ខាត។
• ត្រួតពិនិត្យ​សុវត្ថិភាព​នៅពេល​សិស្ស​ឡើងឡាន​សាលា​។
• ត្រួតពិនិត្យមើល​ប្រសិនបើ​មាន​បទឧក្រិដ្ឋ​ និង​ការ​បំផ្លាញ​ផ្សេង​ៗ។
• ត្រួតពិនិត្យ​ប្រសិនបើ​មានការ​ឈ្លោះប្រកែក​គ្នា​ ឬវាយគ្នា​ដែល​បណ្តាល​មក​ពី​សិស្ស​ និង​អ្នក​ខាងក្រៅ​។

ក្នុងជណ្តើរ​យន្តប្រអប់

• ពិនិត្យសុវត្ថិភាពទូទៅពេលមានមនុស្សជិះនៅក្នុងជណ្តើរយន្តប្រអប់។
• ពិនិត្យមើលការប្រើប្រាស់ជណ្តើរយន្តខុសបច្ចេកទេស។
• ពិនិត្យមើលបុគ្គលិក កូនសិស្ស ចុចលេងទៅលើប៊ូតុង បណ្តាលឱ្យមានការបាក់បែកផ្សេងៗ
• ពិនិត្យមើល នៅពេលជណ្តើរយន្តគាំងមិនដំណើរការ។

សុវត្ថិភាពពេលយប់

• ត្រួតពិនិត្យសុវត្ថិភាពជុំវិញអគារ។
• ត្រួតពិនិត្យឧបករណ៍អេឡិចត្រូនិចនៅក្នុងអគារទាំងអស់ ដើម្បីឱ្យប្រាកដថាត្រូវបានបិទយ៉ាងត្រឹមត្រូវបន្ទាប់ពីប្រើប្រាស់រួច។
• ត្រួតពិនិត្យបុគ្គលិកសម្រាកប្រចាំការនៅក្នុងអគារ ថាតើមានការចូលសម្រាកបានត្រឹមត្រូវទៅតាមទីតាំងដែលប្រធានផ្នែកគាត់បានកំណត់ឱ្យដែរឬទេ។
• ត្រួតពិនិត្យការចេញនិងចូលអគាររបស់បុគ្គលិកសម្រាកប្រចាំការ ថាតើមានការផ្តល់ព័ត៌មានទៅប្រធានផ្នែករបស់គាត់ជាមុនឬទេ។
• ត្រួតពិនិត្យមើលថាការដាក់បុគ្គលិកប្រចាំការនៅតាមអគារបានត្រឹមត្រូវ ទៅតាមគោលការណ៍ក្រុមហ៊ុនដែលឬទេ ឧទាហរណ៍អ្នកសម្រាកនៅអគារដែលមានរក្សាទុកឡាន ត្រូវតែចេះបើកឡាន។
• ត្រួតពិនិត្យសុវត្ថិភាពអគារ និងបរិវេណសាលាទាំងអស់ បន្ទាប់ពីប្រតិបត្តិការ។