ផ្នែកអភិវឌ្ឍអាជីវកម្មនិងវិភាគទិន្នន័យ

ផ្នែកអភិវឌ្ឍអាជីវកម្មនិងវិភាគទិន្នន័យ (BDA) បាននិងកំពុងដើរតួនាទីសំខាន់ណាស់ក្នុងការកំណត់ទិសដៅយុទ្ធសាស្ត្រដើម្បីធានាបានថា រាល់ប្រតិបត្តិការរបស់ស្ថាប័នអាជីវកម្មនីមួយៗស្ថិតក្រោម ក្រុមហ៊ុន ម៉េងលី ជេ. គួច អេឌ្យូខេសិន (Mengly J. Quach Education) ប្រព្រឹត្តទៅបានល្អប្រសើរ។ ផ្នែកនេះ ធ្វើការយ៉ាងជិតស្និទ្ធជាមួយប្រធានផ្នែក ប្រធានសាខា និងនាយកចាងហ្វាងសាលារៀនទាំងអស់ ដើម្បីជួយជំរុញដល់ការរៀបចំគោលដៅយុទ្ធសាស្ត្រ ផែនការប្រតិបត្តិការ និងធានាឱ្យបាននូវការអនុវត្តដ៏ជោគជ័យ។ ក្រៅពីត្រួតពិនិត្យលើការអនុវត្ត និងផ្តល់យោបល់ជាយុទ្ធសាស្ត្រហើយនោះ ផ្នែកអភិវឌ្ឍអាជីវកម្មនិងវិភាគទិន្នន័យ (BDA) ក៏មានតួនាទីសំខាន់ក្នុងការស្រាវជ្រាវ និងវាយតម្លៃលើឱកាសពង្រីកអាជីវកម្មថ្មីៗ ដើម្បីជួយឱ្យក្រុមហ៊ុនវិវឌ្ឍទៅមុខប្រកបដោយភាពរីកចម្រើន និងអាចពង្រីកសាខាអាជីវកម្មរបស់ខ្លួនជាបន្តបន្ទាប់។

ភារកិច្ច និងទំនួលខុសត្រូវសំខាន់ៗរបស់ផ្នែកអភិវឌ្ឍអាជីវកម្មនិងវិភាគទិន្នន័យ (BDA) រួមមាន៖

• សហការជាមួយភាគីពាក់ព័ន្ធសំខាន់ៗ ដើម្បីរៀបចំផែនការប្រតិបត្តិការងារប្រចាំឆ្នាំឱ្យស្របតាមបេសកកម្ម និងគោលដៅរីកចម្រើនរបស់ក្រុមហ៊ុន ម៉េងលី ជេ. គួច អេឌ្យូខេសិន (MJQE)។ 
• តាមដាន និងវាយតម្លៃលទ្ធផលការងារ ដោយបង្កើតផ្ទាំងត្រួតពិនិត្យប្រតិបត្តិការ (Customize Tracking Tools & Performance Dashboards) ដើម្បីតាមដានលទ្ធផលប្រតិបត្តិការអាជីវកម្ម។
• ផ្តល់យោបល់ជាយុទ្ធសាស្ត្រដល់ស្ថាប័នអាជីវកម្មនីមួយៗ ដោយផ្អែកលើទិន្នន័យដែលត្រូវបានវិភាគយ៉ាងល្អិតល្អន់ ជួយឱ្យមានការសម្រេចចិត្តយ៉ាងត្រឹមត្រូវ ដែលអាចធានាបាននូវការរីកចម្រើនប្រកបដោយនិរន្តភាព។
• បង្កើតយុទ្ធសាស្ត្រអាជីវកម្មដ៏រឹងមាំ ដើម្បីពង្រីក និងបង្កើនប្រសិទ្ធភាពប្រតិបត្តិការនៅគ្រប់ផ្នែកដែលស្ថិតក្រោមបុត្រសម្ព័ន្តរបស់ក្រុមហ៊ុន ម៉េងលី ជេ. គួច អេឌ្យូខេសិន (MJQE)។ 
• វាយតម្លៃលើលទ្ធផលប្រតិបត្តិការការងារបច្ចុប្បន្ន និងផ្តល់អនុសាសន៍ថ្មីៗដែលអាចជំរុញសកម្មភាពការងារឱ្យមានភាពប្រសើរឡើង ដើម្បីបង្កើនប្រសិទ្ធភាព និងប្រាក់ចំណេញ។
• ធ្វើរង្វាយតម្លៃលើការអនុវត្តរបស់សាខាសាលារៀនទាំងអស់ ដើម្បីផ្តល់យោបល់ជាយុទ្ធសាស្ត្រជួយឱ្យមានភាពល្អប្រសើរឡើង។
• បង្កើតយុទ្ធសាស្ត្រកំណត់តម្លៃលើផលិតផល និងសេវាកម្មរបស់ក្រុមហ៊ុន។
• ស្រាវជ្រាវទីផ្សារ និងវិភាគស្ថានភាពដៃគូប្រកួតប្រជែង ដើម្បីកំណត់ឱកាសរីកចម្រើន និងកាត់បន្ថយនូវហានិភ័យនានា។
• វិភាគហិរញ្ញវត្ថុយ៉ាងលម្អិត រួមមានការសិក្សាទីផ្សារ ការវិភាគហិរញ្ញវត្ថុ និងការវាយតម្លៃលើផលតបពីការវិនិយោគលើគម្រោងថ្មីៗ ឬការពង្រីកសាខាសាលារៀន។
• រៀបចំផែនការអាជីវកម្ម និងសំណើផែនការយុទ្ធសាស្ត្រសម្រាប់ការវិនិយោគដែលមានសក្តានុពល។
• ផ្តល់អនុសាសន៍ប្រកបដោយនវានុវត្តន៍លើការប្រើប្រាស់ថវិកាប្រកបដោយប្រសិទ្ធភាព សំដៅធ្វើយ៉ាងណាបង្កើនប្រតិបត្តិការហិរញ្ញវត្ថុទាំងមូលឱ្យមានប្រសិទ្ធភាពនិងប្រសិទ្ធផល។