What do you want to find out?
Just leave your keyword down here to find pages, news or events
ផ្នែករដ្ឋបាល បានផ្ដល់នូវហេដ្ឋារចនាសម្ព័ន្ធរដ្ឋបាលដែលជាតម្រូវការចាំបាច់សម្រាប់ក្រុមហ៊ុន ម៉េង លី ជេ. គួច អេឌ្យូខេសិន ដើម្បីបំពេញនូវបេសកកម្មស្នូលរបស់ខ្លួន។ ផ្នែកនេះថែមទាំងបានផ្តល់ជូននូវសេវារដ្ឋបាលយ៉ាងទូលំទូលាយផងដែរ ដល់លោកគ្រូ អ្នកគ្រូ បុគ្គលិក សិស្សានុសិស្ស និងអ្នកដែលពាក់ព័ន្ធផ្សេងៗទៀត នៃក្រុមហ៊ុន ម៉េងលី ជេ. គួច អេឌ្យូខេសិន។ ផ្នែកនេះបានប្តេជ្ញាចិត្តយ៉ាងមុតមាំថានឹងផ្តល់ជូននូវសេវាកម្មរបស់ខ្លួនឱ្យបានឆាប់រហ័ស ទាន់ពេលវេលា និងមានប្រសិទ្ធភាពខ្ពស់។ ផ្នែករដ្ឋបាល គ្របដណ្ដប់ការិយាល័យមួយចំនួនដូចខាងក្រោម៖
១. ការិយាល័យរដ្ឋបាល
ការិយាល័យរដ្ឋបាល ដើរតួយ៉ាងសំខាន់ក្នុងការប្រមូលផ្ដុំ និងផ្ដល់សេវាកម្មរដ្ឋបាល ដើម្បីបំពេញតម្រូវការរបស់លោកគ្រូ អ្នកគ្រូ បុគ្គលិក និងប្អូនៗសិស្សានុសិស្សទាំងអស់។
១.១. ការិយាល័យទទួលចុះឈ្មោះ
ការិយាល័យរដ្ឋបាលអប់រំ ដើរតួយ៉ាងសំខាន់ក្នុងការផ្តល់នូវសេវាកម្មរៀបចំសំណុំឯកសារសិស្ស និងបែបបទចុះឈ្មោះចូលរៀន។ ការិយាល័យរដ្ឋបាលអប់រំ ទទួលខុសត្រូវលើ ការផ្សព្វផ្សាយព័ត៌មានដល់សិស្សអំពីដំណើរការចុះឈ្មោះ ការទទួល និងវាយតម្លៃលិខិតបញ្ជាក់ ឬឯសារចុះឈ្មោះចូល រៀនរបស់បេក្ខជនម្នាក់ៗ និងការកំណត់លក្ខខណ្ឌដល់សិស្សដើម្បីទទួលបានសិទ្ធិចុះឈ្មោះចូល រៀន។
១.២. ការិយាល័យបញ្ជិកា
ការិយាល័យបញ្ជិកា ផ្ដល់សេវាកម្មរដ្ឋបាល ដើម្បីបំពេញតម្រូវការរបស់លោកគ្រូ អ្នកគ្រូ បុគ្គលិក អតីតសិស្ស និងប្អូនៗសិស្សានុសិស្សទាំងអស់ នៃមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង។ ខាងក្រោមនេះជាសេវាកម្មផ្តល់ដោយការិយាល័យបញ្ជិកា៖ ការរក្សាទុក ឯកសារ ការត្រួតពិនិត្យឯកសារ ការបោះត្រា ការធ្វើបណ្ណសម្គាល់ខ្លួន ការចេញសេចក្តី ជូនដំណឹង ការរៀបចំកម្មវិធី និងពិធីការ ការចេញកំណត់ចំណាំ ការចេញសេចក្តីរម្លឹក ការចេញកាលវិភាគ ប្រឡងការធ្វើបញ្ជីវត្តមានសិស្ស ការចេញលិខិតបញ្ជាក់ព្រឹត្តិបត្រពិន្ទុ ការចេញលិខិតបញ្ជាក់ការ សិក្សា ការចេញលិខិតបញ្ជាក់កិរិយាមារយាទ ការចេញលិខិតបញ្ជាក់អវត្តមាន ការដក វិញ្ញាបនបត្រ និងសេវាកម្មជាច្រើនទៀតទៅតាមតម្រូវការ។
២. បណ្ណសារដ្ឋាន
បណ្ណសារដ្ឋាន គឺជាទីកន្លែងរក្សាទុកនូវឯកសារប្រវត្តិសាស្ត្រ។ បណ្ណសារដ្ឋានមានតួនាទី ប្រមូល គ្រប់គ្រង អភិរក្ស និងចងក្រងឯកសារឱ្យមានសណ្ដាប់ធ្នាប់ និងមានភាពងាយស្រួលក្នុងការស្វែងរក ក្នុងពេលចាំបាច់។ លិខិតស្នាមដែលមានតម្លៃសម្រាប់ទុកជាប្រវត្តិសាស្ត្រ រួមមានឯកសាររដ្ឋបាល សេចក្ដីជូនដំណឹង កំណត់ចំណាំ សេចក្ដីរម្លឹកព័ត៌មាន រូបថត លិខិតអញ្ជើញ និងមានលិខិតស្នាមជាច្រើនប្រភេទទៀត។
៣. ការិយាល័យផ្តល់ព័ត៌មាន
ការិយាល័យផ្តល់ព័ត៌មាន ជាកន្លែងដែលផ្ដល់សេវាកម្មផ្ដល់ព័ត៌មានអំពីការសិក្សាជូនដល់លោកគ្រូ អ្នកគ្រូ បុគ្គលិក មាតាបិតា ឬអ្នកអាណាព្យាបាល និងសិស្សានុសិស្ស ដែលមានបំណងចង់សិក្សានៅមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង។ បុគ្គលិកយើងខ្ញុំត្រៀមខ្លួនជាស្រេច ដើម្បីផ្ដល់សេវាកម្មជូនលោកអ្នកប្រកបដោយក្រមសីលធម៌វិជ្ជាជីវៈខ្ពស់។ សូមលោកអ្នកទាក់ទងសួរព័ត៌មានតាមរយៈទូរសព្ទ សារអេឡិចត្រូនិក ឬអញ្ជើញមកការិយាល័យយើងខ្ញុំផ្ទាល់ ដើម្បីទទួលបានព័ត៌មានលម្អិត និងការណែនាំអំពីការសិក្សា។
** លេខទូរសព្ទ
** សារអេឡិចត្រូនិក
info@aii.edu.kh
info@ais.edu.kh
** វែបសាយ
www.aii.edu.kh
www.ais.edu.kh
** គេហទំព័រហ្វេសប៊ុក
www.facebook.com/aii.mjqeducation
www.facebook.com/ais.mjqeducation
៤. ឃ្លាំង ម៉េងលី ជេ. គួច អេឌ្យូខេសិន
ឃ្លាំង ម៉េងលី ជេ. គួច អេឌ្យូខេសិន ជាឃ្លាំងដ៏សំខាន់ក្នុងការផ្គត់ផ្គង់សម្ភារដល់គ្រប់ផ្នែកនៃក្រុមហ៊ុន ម៉េងលី ជេ. គួច អេឌ្យូខេសិន និងការរក្សារទុកនូវរាល់សម្ភារដែលប្រើប្រាស់រួចរបស់ក្រុមហ៊ុនដែលបានបញ្ជូនមកពីផ្នែកផ្សេងៗ ដើម្បីជៀសវាងការបាត់បង់ ឬខូច និងដើម្បីរក្សាទុកសម្រាប់តម្រូវការចាំបាច់សម្រាប់ផ្នែកផ្សេងទៀត។
៥. បណ្ណាល័យ ម៉េងលី ជេ. គួច
បណ្ណាល័យ ម៉េងលី ជេ. គួច គឺជាឃ្លាំងប្រមូលផ្តុំសៀវភៅ ទស្សនាវដ្តី និងឯកសារគ្រប់ប្រភេទ ដូចជាឯកាសារដែលស្របតាមកម្មវិធីសិក្សា ឯកសារចំណេះដឹងទូទៅ និងជាកន្លែងផ្តល់ចំណេះដឹងដល់សិស្សានុសិស្សនៃមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង ដើម្បីសិក្សាស្រាវជ្រាវ។ ក្រៅពីផ្តល់សេវាកម្មឯកសារដល់សិស្ស បណ្ណាល័យ ម៉េងលី ជេ. គួច បានបើកទទួលលោកគ្រូ អ្នកគ្រូ បុគ្គលិក និងសាធារណជនទូទៅចូលអានដោយសេរី ក្នុងគោលបំណងបំផុសស្មារតី និងលើកស្ទួយវិស័យអំណានដល់សិស្ស លោកគ្រូ អ្នកគ្រូ និងបុគ្គលិក។
បណ្ណាល័យ ម៉េងលី ជេ. គួច ស្វាគមន៍ និងបើកទ្វារដល់សាធារណៈចូលអានដោយសេរី ដើម្បីលើកកម្ពស់ទម្លាប់នៃការអានដល់ក្មេងៗជំនាន់ក្រោយ ក៏ដូចជាជំរុញអោយពួកគេចូលចិត្តការអាន ការស្រាវជ្រាវ និងពង្រីកចំណេះដឹងតាមរយៈការអាន។
ដើម្បីក្លាយជាសមាជិករបស់បណ្ណាល័យ ម៉េងលី ជេ.គួច សូមអញ្ជើញមកកាន់បណ្ណាល័យយើងខ្ញុំទាំង៦សាខា។ នៅពេលក្លាយជាសមាជិក អ្នកអាចមានសិទ្ធិអានដោយគ្មានដែនកំណត់ ក៏ដូចជាខ្ចីសៀវភៅ និងឯកសារយោងពីបណ្ណាល័យយើងខ្ញុំផងដែរ។
ម៉ោងធ្វើការ៖
| សាលារៀន អន្តរទ្វីប អាមេរិកាំង (AIS) |
| ថ្ងៃចន្ទ ដល់ ថ្ងៃសៅរ៍ |
| ០៧:១៥ ព្រឹក – ១១:០០ ព្រឹក |
| ០១:០០ រសៀល – ០៥:០០ រសៀល |
| មជ្ឈមណ្ឌលភាសា អេ អាយ អាយ (Aii) |
| ថ្ងៃចន្ទ ដល់ ថ្ងៃសុក្រ |
| ០៧:៤៥ ព្រឹក – ១១:០០ ព្រឹក |
| ០១:៤៥ រសៀល – ០៦:៣០ ល្ងាច |
សេវាកម្ម
បណ្ណាល័យ ម៉េងលី ជេ. គួច ជាកន្លែងលើកកម្ពស់ការរៀនសូត្រពេញមួយជីវិត។ យើងប្តេជ្ញាផ្តល់នូវរាល់ធនធានទាំងអស់សម្រាប់ការសិស្សារបស់ពួកគេ ក៏ដូចជាសាធារណៈជនទូទៅ សម្រាប់ការសិក្សា ការបង្រៀន និងការស្រាវជ្រាវរបស់ពួកគេ។ ក្នុងនាមជាអ្នកផ្តល់សេវាកម្មអប់រំឈានមុខគេមួយនៅក្នុងប្រទេសកម្ពុជា និងដើម្បីលើកស្ទួយសារៈសំខាន់នៃការអាន បណ្ណាល័យម៉េងលី ជេ. គួច នឹងផ្តល់ទីតាំងចំនួន ១០ កន្លែងផ្សេងគ្នាក្នុងចំណោមសាខាទាំង ៦ នៃមជ្ឈមណ្ឌលភាសា អេ អាយ អាយ និងសាលារៀន អន្តរទ្វីប អាមេរិកាំង។
ទីតាំងបណ្ណាល័យ
១. សាខាម៉ៅសេទុង (ការិយាល័យកណ្តាល)
២. សាខាទួលគោក
៣. សាខាចាក់អង្រែ
៤. សាខាចោមចៅ
៥. សាខាផ្សារថ្មី
៦. សាខាជ្រោយចង្វារ
៧. សាខាសៀមរាប
៨. សាខាតាកែវ
ផ្តល់នូវសម្ភាររូបវ័ន្ត ដើម្បីបង្កើនក្នុងការសិក្សាស្រាវជ្រាវ ។